Բարսելոնան գումար է պարտք նաև Լիվերպուլին, Յուվենտուսին ու Այաքսին

Բարսելոնան գումար է պարտք նաև Լիվերպուլին, Յուվենտուսին ու Այաքսին

30/09/2022 - 16:43

Ինչպես արդեն տեղեկացրել ենք, «Բարսելոնան» Ֆերրան Տորեսի տրանսֆերի համար «Մանչեսթեր Սիթիին» դեռևս պարտք է 52 մլն եվրո։

Այդուհանդերձ, Catalunya Ràdio-ին հաջողվել է պարզել, որ կատալոնական ակումբը գումար է պարտք նաև այլ ակումբների։

Աղբյուրի փոխանցմամբ` «բլաուգրանան» Ֆիլիպե Կոուտինիոյի տրանսֆերի դիմաց «Լիվերպուլին» մինչ օրս պարտք է 14 մլն եվրո, ում տրանսֆերային իրավունքներն այժմ պատկանում են «Աստոն Վիլլային»։

Հաղորդվում է, որ Բիրմինգհեմը ներկայացնող ակումբն իր հերթին բրազիլացի ֆուտբոլիստի տրանսֆերի դիմաց ընթացիկ մրցաշրջանի ավարտին «Բարսելոնային» պետք է վճարի 10 մլն եվրո։

«Բարսելոնան» Միրալեմ Պյանիչի տրանսֆերի դիմաց 36 մլն եվրո պարտք է «Յուվենտուսին», ով նույնպես արդեն հեռացել է կատալոնական ակումբից։

Բոսնիացի ֆուտբոլիստը 2022 թ ամառային տրանսֆերային պատուհանի ժամանակ ազատ գործակալի կարգավիճակով տեղափոխցեղ ԱՄԷ-ն ներկայաղնող «Ալ Շարջա» ակումբ։

Բացի դրանից, «բլաուգրանան» ևս 42 մլն եվրո էլ պարտք է «Այաքսին», որից 32-ը` Ֆրենկի դե Յոնգի, իսկ 10-ը` Սերժինիո Դեստի տրասնֆերի դիմաց։

Ստացվում է` «Բարսելոնան» նախորդ տարիներին իրականացված տրանսֆերների դիմաց տարբեր ակումբների չի վճարել դեռևս 144 մլն եվրո։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022