Արսենալը Բարսելոնայի հետ քննարկում է Ումտիտիի հնարավոր տրանսֆերի հարցը

«Արսենալը» կրկին մտադիր է ձեռք բերել «Բարսելոնայի» պաշտպան Սամուել Ումտիտիին:

Ինչպես հայտնում է La Gazzetta dello Sport-ը, լոնդոնցիների տեխնիկական տնօրեն Ռաուլ Սանլեին արդեն շբվել է կատալոնական ակումբի իր կոլեգայի՝ Էրիկ Աբիդալի հետ 25-ամյա ֆրանսիացու տրանսֆերի հարցով:

Ավելի վաղ հայտնի էր դարձել, որ Ումտիտին հավանաբար կհեռանա «Բարսելոնայից», քանի որ կկորցնի թիմի հիմնական կազմում իր տեղը Մատեյս դե Լիգտի հավանական տրանսֆերի և Կլեման Լանգլեի պատճառով:

Այս մրցաշրջանում ֆրանսիացին «կապտանռնագույնների» կազմում անցկացրել է 9 հանդիպում և կատարել մեկ գոլային փոխանցում: