Արգենտինայում ոստիկանները սպանել են 17-ամյա ֆուտբոլիստի

Արգենտինայում ոստիկանները սպանել են 17-ամյա ֆուտբոլիստի

20/11/2021 - 00:23

Արգենտինայում ողբերգական դեպք է տեղի ունեցել, որը ցնցել է ողջ ֆուտբոլային հանրությանը։

Ինչպես տեղեկացնում է Marca-ն, ոստիկանությունը սպանել է Արգենտինայի երկրորդ դիվիզիոնը` Պրեմիերա Նասիոնալը ներկայացնող «Բարակաս Սենթրալի» 17-ամյա հարձակվող Լուկաս Գոնսալեսին։

Աղբյուրի փոխանցմամբ` դեպքը տեղի է ունեցել Բունեոս Այրեսի հարավ-արևելքում գտնվող Բարակաս թաղամասում։

Հաղորդվում է, որ Լուկաս Գոնսալեսն ընկերների հետ ընթանալիս է եղել մեքենայով, մինչդեռ ոստիկանները կրակ են բացել նրանց ուղղությամբ։

Իրավապահ մարմինների ներկայացուցիչները պաշտոնական հաշվետվության մեջ նշել են, որ երիտասարդները բախվել և վնասել են ոստիկանական մեքենեն, երբ ոստիկանները փորձել են խաչմերուկներից մեկում կանգնեցնել նրանց։

Դրան զուգահեռ, «Բարակաս Սենթրալի» ղեկավարությունը չի ընդունում այդ հիմնավորումը և կատարվածի շուրջ պահանջում է արդար հետաքննություն։

Նշենք, որ առաջիկա մի քանի օրերին «Բարակաս Սենթրալում» սուգ է հայտարարված և հետաձգվել են ինչպես մարզումներն, այնպես էլ ակումբի մասնակցությամբ խաղերը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022