Վուլվերհեմպտոնն ավարտին է հասցրել ակումբի պատմության ամենաթանկարժեք տրանսֆերը

Վուլվերհեմպտոնն ավարտին է հասցրել ակումբի պատմության ամենաթանկարժեք տրանսֆերը

16/08/2022 - 11:39

Լիսաբոնի «Սպորտինգի» կիսապաշտպան Մաթեուս Նունյեսը կարիերան կշարունակի «Վուլվերհեմպտոնի» կազմում։

Ինչպես տեղեկացնում է ինսայդեր Ֆաբրիցիո Ռոմանոն, ակումբները տրանսֆերի հարցում հասել են վերջնական համաձայնության, իսկ գործարքի դիմաց «գայլերը» պորտուգալական ակումբին կվճարեն 50 մլն եվրո։

Սպասվում է, որ 23-ամյա ֆուտբոլիստը նոր ակումբի հետ կկնքի 5 տարվա պայմանագիր` մինչև 2027 թ. հունիսի 30-ը։

Առաջիկա օրերին պորտուգալացի ֆուտբոլիստը կմեկնի Անգլիա, որտեղ բուժզննում կանցնի «Վուլվզի» համար, ինչից հետո «գայլերը» պաշտոնապես կհայտարարեն տրանսֆերի մասին։

Նշենք, որ այս գործարքը դառնալու է «Վուլվերհեմպտոնի» պատմության ամենաթանկարժեք տրանսֆերը։

Մինչ այս «գայլերի» ամենաթանկարժեք տրսնսֆերը եղել է Ֆաբիո Սիլվայի գործարքը, երբ 2020 թ. սեպտեմբերի ակումբը նրա դիմաց «Պորտուին» վճարեցին 40 մլն եվրո։

Հատկանշական է, որ Մաթեուս Նունյեսը դառնալու է «Վուլվերհեմպտոնի» 11-րդ ֆուտբոլիստը, ով հանդես է գալիս ակումբի կազմում։

«Գայլերի» կազմում հանդես են գալիս նաև Ժոզե Սան, Տոտին, Նելսոն Սեմեդուն, Ռուբեն Նևեշը, Ժոաո Մոուտինիոն, Բրունո Ժորդաուն, Գոնսալու Գուեդեշը, Պեդրո Նետուն, Չիկինիոն և Դանիել Պոդենսեն։

Բացի դրանից, ակումբի գլխավոր մարզիչը նույնպես պորտուգալացի է` ի դեմս Բրունո Լագեի։

Հավելենք, որ Մաթեուս Նունյեսը «Սպորտինգի» սան է, որի կազմում անցկացրել է 101 հանդիպում` դառնալով 8 գոլի և 9 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023