«Ռեալի» կիսապաշտպան Դանի Սեբալյոսը մոտ է «Արսենալ» տեղափոխվելուն: Ինչպես հայտնում է BBC-ն, լոնդոնյան ակումբը համաձայնեցրել է Իսպանիայի երիտասարդական հավաքականի կիսապաշտպանին վարձակալությամբ ձեռք բերելու պայմանները. Սեբալյոսի վարձակալությունը նախատեսված կլինի 1 տարով, հավելյալ տեղեկություններ դեռ չկան:

«Արսենալի» պաշտպան Լորան Կոսիելնին ցանկանում է կարիերան շարունակել հայրենիքում Ինչպես հայտնում է RMC Sport-ը, ֆրանսիացին համաձայնեցրել է պայմանագիրը «Ռենի» հետ: 33-ամյա ֆուտբոլիստը «Արսենալի» հետ չի մեկնել ԱՄՆ: «Զինագործների» հետ Կոսիելնիի պայմանագիրը նախատեսված է մինչև 2020 թվականը:

International Champions Cup-ի շրջանակում «Արսենալը» 3:0 հաշվով հաղթել է «Ֆիորենտինային»: Հայաստանի հավաքականի ավագ Հենրիխ Մխիթարյանը պահեստայինների թվում էր և փոխարինման է մտել 63-րդ րոպեին: Հաջորդ րոպեին հայ ֆուտբոլիստը դեղին քարտ է ստացել: Հուլիսի 24-ին լոնդոնյան թիմը մրցելու է Մադրիդի «Ռեալի» հետ:

ԱՄՆ-ում ընթանում է Internatinal Champions Cup-ը: Ընկերական մրցաշարի շրջանակում մրցել են «Արսենալը» և «Բավարիան». լոնդոնյան թիմը հաղթել է 2:1 հաշվով: Հայաստանի հավաքականի ավագ Հենրիխ Մխիթարյանը իր թիմի մեկնարկային կազմում է եղել՝ փոխարինվելով 64-րդ րոպեին: «Արսենալը» հուլիսի 20-ին մրցելու է «Ֆիորենտինայի» հետ, իսկ հուլիսի 24-ին՝ «Ռեալի»:

Adidas-ը ներկայացրել է «Արսենալի»՝ արտագնա հանդիպումների համար նախատեսված համազգեստը: Դեղին խաղաշապիկները ներկայացրել են Հենրիխ Մխիթարյանը Պիեր-Էմերիկ Օբամեյանգը և Ալեքսանդր Լակազետը:

«Արսենալը» պատրաստ է վաճառել պաշտպան Լորան Կոսելնիի տրանսֆերը,- հայտնում է Sky Sports-ը: Հիշեցնենք, որ ֆրանսիացին հրաժարվել էր թիմի հետ մեկնել ԱՄՆ ուսումնամարզական հավաքի: Պարբերականը նշում է, 33-ամյա ֆուտբոլիստը ցանկանում է հեռանալ անվճար: Խաղացողը հույս ունի շարունակել իր կարիերան Ֆրանսիայում: Նա հանդես է գալիս «Արսենալի» կազմում 2010 թվականից:

«Արսենալը» սկսում է ուսումնամարզական հավաքը ԱՄՆ-ում: Հայաստանի հավաքականի ավագ Հենրիխ Մխիթարյանը twitter-ի էջում գրել է. «Անհամբերությամբ սպասում ենք Միացյալ Նահանգների երկրպագուներին մեր խաղերին»: Հենոն հրապարակել է նաև այս լուսանկարը. «Արսենալը» Լոս Անջելեսում հուլիսի 16-ին մրցելու է «Կոլորադո Ռեպիդսի» հետ, 18-ին՝ «Բավարիայի», 20-ին «Ֆիորենտինայի» և 24-ին «Ռեալի» հետ:

Ներկայացվել է «Արսենալի» նոր խաղաշապիկը: Առաջիկա մրցաշրջանից սկսած լոնդոնյան ակումբի մարզահագուստը ապահովելու է adidas ընկերությունը: Հայաստանի հավաքականի ավագ Հենրիխ Մխիթարյանը նոր խաղաշապիկով լուսանկար է հրապարակել:

«Վալենսիայի» կիսապաշտպան Դանիել Պարեխոն կիսվել է Եվրոպա լիգայի կիսաեզրափակչում «Արսենալի» դեմ կայանալիք խաղից իր սպասումներով: «Վերջին խաղերում «Արսենալը» հեռու էր իր իդեալական վիճակից, բայց դա առաջնությունում էր և կապ չունի Եվրոպա լիգայի հետ: Տարբեր մրցաշարեր են և հիմա գործերն ազգային առաջնություններում նշանակություն չունեն: «Արսենալն» ունի շատ ուժեղ խաղացողներ հարձակման գծում՝ Օբամեյանգ, Լակազետ, Օզիլ: Այո, լոնդոնցիներն […]

ԱՊԼ-ի 36-րդ տուրում «Արսենալը» հյուրընկալվել էր «Լեսթերին»: Տանտերերը հաղթեցին 3:0 հաշվով: 36-րդ րոպեին ՄայթլենդՆայլսը կարմիր քարտ է ստացել, ինչից հետո «աղվեսները» 3 գոլ են խփել: Աչքի է ընկել Տիլեմանսը, դուբլ է ձևակերպել Վարդին: Մխիթարյանը «զինագործների» մեկնարկային կազմում էր և 73-րդ րոպեին տեղը զիջել է Գենդուզիին: Այս պարտությունից հետո «Արսենալը» 66 միավորով նահանջում է 5-րդ հորիզոնական: