Հնարավոր է՝ Իկարդին վիրահատվի

Հնարավոր է՝ Իկարդին վիրահատվի

24/02/2019 - 17:17

«Ինտերի» հարձակվող Մաուրո Իկարդին հնարավոր է ծնկի վիրահատության ենթարկվի,- հայտնում է Corriere dello Sport-ը։

25-ամյա ֆուտբոլիստը վիրահատության դեպքում կարող է բաց թողնել մրցաշրջանի մնացած հատվածը։

Ծնկի վնասվածքը Իկարդիին անհանգստացնում է վաղուց, նա մինչ այս կարողացել է խաղալ միայն ցավազրկող ներարկումների օգնությամբ։

Ըստ աղբյուրի՝ավագի թևկապից զրկվելուց հետո արգենտինացին վերջնականապես որոշել է բուժել վնասվածքը, որպեսզի ազատվի տանջող ցավերից։

Մինչև մարտի 7-ն արգենտինացին կփորձի վերականգնվել վնասվածքից բուժման այլ մեթոդներով, դրանից հետո կգնահատվի ֆուտբոլիստի առողջական վիճակն ու եթե վնասվածքը կրկին անհանգստացնի, ապա Իկարդիի ծունկը հնարավոր է վիրահատվի։

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022