Քանի՞ անգամ է հաջողված դրիբլինգի դիմել Ադամա Տրաորեն ներքին առաջնությունների շրջանակում

Ինչպես արդեն տեղեկացրել ենք, «Բարսելոնան», գնման իրավունքով (30 մլն եվրո), վարձակալել է «Վուլվերհեմպտոնի» հարձակվող Ադամա Տրաորեին։

Հայտնի է, որ իսպանացի վինգերը համաշխարհային ֆուտբոլի ամենահայտնի դրիբլյորներից մեկն է։

Squawka Football-ը հետաքրքիր վիճակագրական տվյալ է ներկայացրել` հաշվելով, թե տարբեր թիմերում հանդես գալու ժամանակ Տրաորեն քանի անգամ է հաջողված դրիբլինգի դիմել ներքին առաջնությունների շրջանակում

26-ամյա ֆուտբոլիստը ներքին առաջնություններում 909 անգամ դիմել է հաջողված դրիբլինգի։

• «Բարսելոնա» – 2 հաջողված դրիբլինգ
• «Աստոն Վիլլա» – 25
• «Միդլսբրո» – 398
• «Վուլվերհեմպտոն» – 484

Հաշվի են առնվել միայն Պրեմիեր լիգայում և Լա լիգայում անցկացրած հանդիպումները (161) ու այդ ընթացքում իսպանացի ֆուտբոլիստը դաշտում անցկացրել է 11374 րոպե, կատարել է 1205 դրիբլինգի փորձ, որոնցից 909-ը` հաջողված` 75.4% ճշգրտությամբ։

Պրեմիեր լիգայի և Լա լիգայի շրջանակում Տրաորեն միջինը 12.5 րոպեն մեկ անգամ դիմել է հաջողված դրիբլինգի։

Հատկանշական է, որ Տրաորեն «Վուլվզի» կազմում հանդես էր գալիս 2018/19 մրցաշրջանից և, այդ պահից սկսած, նա անգլիական Պրեմիեր լիգայի լավագույն դրիբլյորն է (484!)։

Հետաքրքիր է, որ համաշխարհային ֆուտբոլի գլխավոր դրիբլյոր Լեո Մեսսին, 2018/19 մրցաշրջանից սկսած, ներքին առաջնություններում հաջողված դրիբլինգի է դիմել 500 անգամ։

Ընդ որում` Ադաման 697 փորձից է 484 հաջողված դրիբլինգի արել, իսկ Մեսսին 824 փորձից` 500։

Իսպանացի ֆուտբոլիսն այդ ընթացքում Պրեմիեր լիգայի շրջանակում իր խաղընկերների համար ստեղծել է 15 անգամ ավելի շատ իրական գոլային պահ (40), քան որևէ մեկ այլ ֆուտբոլիստ։ Այդ տեղեկությունը հայտնում է OptaJoe-ն։

SofaScore-ն էլ ներկայացրել է 2015/16 մրցաշրջանից սկսած եվրոպական թոփ-5 առաջնությունների լավագույն դրիբլյորենրին, որի շրջանակում Ադամա Տրաորեն 5-րդն է։

• Լեո Մեսսիի – 930
• Վիլֆրիդ Զահա – 751
• Նեյմար – 742
• Ալեն Սեն-Մաքսեմեն – 722
• Ադամա Տրաորե – 645

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am