Յուվենտուսը խոշոր հաշվով հաղթեց. Դիբալան և Ռոնալդուն գոլ խփեցին (տեսանյութ)

Իտալական Ա սերայի 24-րդ տուրը մեկնարկեց «Յուվենտուս»-«Ֆրոզինոնե» հանդիպումով: Թուրինյան թիմը հաղթեց 3:0 հաշվով:

Հանդիպման մեկնարկից 6 րոպե անց Դիբալան հիանալի գոլով բացել է հաշիվը: 11 րոպե անց խառնաշփոթ իրավիճակում Բոնուչին առաջինն է կողմնորոշվել՝ գնդակն ուղարկելով դարպասը: 63-րդ րոպեին աջ եզրից Մանջուկիչի փոխանցումից հետո Ռոնալդուն հաշվենկատ հարվածով խփել է 3-րդ գոլը:

Այս հաղթանակից հետո Ալեգրիի գլխավորած թիմը 66 միավորով է գլխավորում մրցաշարային աղյուսակը: