Սալերնիտանան շարունակում է մաքառել Ա սերիայում տեղը պահելու համար` հաղթելով նաև Ֆիորենտինային🎥

Իտալական Ա սերիայի 34-րդ տուրի շրջանակում հետնապահների թվում ընթացող «Սալերնիտանան» սեփական հարկի տակ մրցեց «Ֆիորենտինայի» դեմ։

Առաջ ընկնելով` նշենք, ոը բավական անակնկալ արդյունք գրանցվեց, քանի որ Սալերնոն ներկայացնող ակումբը 2:1 հաշվով հաղթանակ տոնեց։

Դավիդե Նիկոլայի թիմի կազմից աչքի ընկան Միլան Ջուրիչն ու Ֆեդերիկո Բոնացոլին, իսկ «մանուշակների» գոլը խփեց Ռիկարդո Սապոնարան։

Այսպիսով, «Սալերնիտանան», տոնելով երրորդ անընդմեջ հաղթանակը, 25 միավոր և զբաղեցնում է 18-րդ հորիզոնականը։

Ա սերիայում տեղը պահպանելու հնարավորություն տվող 17-րդ հորիզոնականը զբաղեցնող «Կալյարիին» «Սալերնիտանան» զիջում է ընդամենը 3 միավոր։

«Ֆիորենտինան», 56 միավորով, 7-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am