Պաշտոնական. Ալաշկերտը նոր գլխավոր մարզիչ ունի

Ինչպես տեղեկացնում է «Ալաշկերտի» մամուլի ծառայությունը, ակումբի նոր գլխավոր մարզիչ է նշանակվել սերբ Միլան Միլանովիչը։

58-ամյա մասնագետի վերջին աշխատավայրն եղել է սերբական «Նովի Պազարը», որտեղից հեռացել է սույն թվականի սեպտեմբերին։

Միլանովիչը տարբեր տարիներին մարզել է նաև մոլդովական «Շերիֆը», ղազախական «Իրտիշը», ինչպես նաև սերբական մի շարք այլ ակումբներ` «Հայդուկ Կուլան», ՕՖԿ-ն, «Ռադնիչկին», «Ռադը», «Զեմուն», «Ռադնիկը» և այլն։

Հավելենք, որ Միլանովիչի մարզչական շտաբում ընդգրկվել են նաև Սերգեյ Էրզրումյանը, Արմեն Կիրակոսյանը, Վլադիմիր Պրոչիկևիչը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am