Հալանդի հիասքանչ գոլի տեսանյութն ավելի քան 2 մլն դիտում է հավաքել 🎥
Գերմանական Բունդեսլիգայի 5-րդ տուրի շրջանակում «Բորուսիա Դորտմունդը» սեփական հարկի տակ 4:2 հաշվով հաղթել է «Ունիոն Բեռլինին»։
Այդ խաղում դորտմունդյան ակումբի կազմում դուբլի հեղինակ է դարձել նորվեգացի հարձակվող Էրլինգ Հալանդը։
Հատկապես տպավորիչ է ստացվել նրա երկրորդ գոլը, երբ Հալանդը 84-րդ րոպեին, պայքարի մեջ մտնելով մրցակցի պաշտպաններից Ռոբին Կնոխեի հետ, ոտքը մեկնել է և «կախած» հարվածով դարձել պարզապես հիասքանչ գոլի հեղինակ։
Բունդեսլիգայի Twitter-ի պաշտոնական էջը տեղադրել է այդ գոլի տեսանյութը, որը 24 ժամվա ընթացքում հավաքել է ավելի քան 2 մլն դիտում։
Տեսանյութը ներկա պահին ունի 2.1 մլն դիտում։
Հավելենք, որ Էրլինգ Հալանդը Բունդեսլիգայի ընթացիկ մրցաշրջանի շրջանակում անցկացրած 5 խաղում դարձել է 7 գոլի և 4 գոլային փոխանցման հեղինակ ու «Բավարիայի» հարձակվող Ռոբերտ Լևանդովսկու հետ գլխավորում է լավագույն ռմբարկուների ցուցակը։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am