Պաշտոնական. Բալեկյանը տեղափոխվեց Բոկա Խունիորս

Ինչպես տեղեկացնում է «Բոկա Խունիորսի» մամուլի ծառայությունը, ակումբը գնել է «Ատլետիկո Ուրականի» հայազգի ֆուտբոլիստ Նորբերտո Բրիասկո Բալեկյանի տրանսֆերային իրավունքները։

Ավելի վաղ հայտնի էր դարձել, որ «Բոկան» 25-ամյա վինգերի տրանսֆերային իրավունքների 80%-ի դիմաց «Ուրականին» վճարելու է 2.89 մլն եվրո, իսկ կողմերի միջև կնքվելու է 4 տարվա պայմանագիր։

Հիշեցնենք, որ Նորբերտո Բրիասկո Բալեկյանը 2016 թ. պաշտպանում էր «Ատլետիկո Ուրականի» գույները, որի կազմում մինչև այս պահն անցկացրել է 86 հանդիպում` դառնալով 9 գոլի և 6 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_a