Լոնդոնից գնված Աստվածաշնչում Ժեզուսի ու Կոստայի ինտիմ լուսանկարներն են հայտնաբերվել📸
«Մանչեսթեր Սիթիի» հարձակվող Գաբրիել Ժեզուսը և «Ատլետիկո Մադրիդի» ներկայիս ֆուտբոլիստ Դիեգո Կոստան հայտնվել են սկանդալի եզրին։
Ինչպես տեղեկացնում է The Sun-ը, մի մարդ, ով Լոնդոնում բարեգործական ինչ-որ խանութուց Աստվածաշունչ է գնել, դրա մեջ ինտիմ բնույթի լուսանկարներ է հայտնաբերել, որոնք պատկանել են Ժեզուսին և Կոստային։ Լուսանկարներում Ժեզուսն ու Կոստան նույն կնոջ հետ են, որի անունը հայտնի չէ։
Աղբյուրի փոխանցմամբ՝ ի տարբերություն այդ կնոջ, երկու հարձակվողներն էլ լուսանկարներում մարմնի վերևի հատվածում չեն կրում որևէ հագուստ և պառկած են անկողնում։ Ըստ ամենայնի, լուսանկարներն արվել են առանձին-առանձին, քանի որ ֆուտբոլիստները որևէ լուսանկարում միասին չեն։
The Sun-ը հաստատում է, որ այդ Աստվածաշունչը վերոնշյալ խանութ է տարել մի կին, ով նշել է, որ իր ընկերներից մեկը հեռացել է Մեծ Բրիտանիայից, իսկ ինքը ցանկանում է ազատվել մի շարք հիշողություններից։
Հիշեցնենք, որ Դիեգո Կոստան 2014-18 թվականներին հանդես է եկել «Չելսիի» կազմում, իսկ Գաբրիել Ժեզուսը 2017 թվականից մինչ օրս ներկայացնում է «Մանչեսթեր Սիթին»։
