Անգլիան դրամարիկ հաղթանակով ընդհատեց Իսպանիայի անպարտաելության անհավանական շարքը 🎥
Անգլիան դրամարիկ հաղթանակով ընդհատեց Իսպանիայի անպարտաելության անհավանական շարքը 🎥
16/11/2026 - 09:53

Ազգերի լիգայի խաղարկության A դիվիզիոնի երրորդ խմբի վերջին` 6-րդ տուրում Անգլիայի ազգային հավաքականը Մադրիդում հյուրընկալվելիս 3:2 հաշվով դրամարիկ հաղթանակ տարավ Իսպանիայի թիմի նկատմամբ։

«Երեք առյուծներին» առաջին խաղակեսի վերջնամասում` 45-րդ րոպեին, 11-մետրանոցից առաջ մղեց «Ոսկե գնդակի» դափնեկիր Հարի Քեյնը։

53-րդ ու 57-րդ րոպեներին անգլիացիների առավելությունը շոշափելի դարձրին պաշտպաններ Էզրի Կոնսան ու Բեն Ուայթը։

Թվում էր, թե Թոմաս Տուխելի գլխավորած թիմը հեշտ հաղթանակ կտանի, բայց 63-րդ րոպեին «Մանչեսթեր Սիթիի» կիսապաշտպան Էլիոթ Անդերսոնը վերջին հույսի խախտում թույլ տվեց, իսկ մրցավար Կլեման Տյուրպենը 11-մետրանոց նշանակեց իսպանացիների օգտին. նշակետից աչքի ընկավ Միկել Օյարսաբալը։

Քանակական առավելություն ունեցող «Ֆուրիա ռոխան» 75-րդ րոպեին Նիկո Վիլյամսի ջանքերով ևս մեկ գոլ հետ բերեց։

Խաղավերջում աշխարհի գործող չեմպիոնը մեծ ճնշում էր գործադրում, բայց չկարողացավ խուսափել պարտությունից։

Հանդիպման հերոսներից էր նաև Անգլիայի դարպասապահ Ջեյմս Թրաֆորդը` կատարելով 6 սեյվ։

Այս խաղով ընդհատվեց Իսպանիայի` 43 խաղից բաղկացած անպարտելիության շարքը։ Դա հավաքականների մակարդակով համաշխարհային ռեկորդ է։

Իսպանացիները նախորդ անգամ պարտվել էին 2024թ. մարտի 23-ին` ընկերական խաղում 0:1 հաշվով զիջելով Կոլումբիայի հավաքականին։

Հատկանշական է, որ Անգլիայի ու Իսպանիայի միջև կայացած առաջին խաղում էլ «Ֆուրիա ռոխան» էր Լոնդոնում հաղթել նույն` 3:2 հաշվով։

Երրորդ խմբի 6-րդ տուրի մյուս խաղում Խորվաթիան 2:1 հաշվով պարտության է մատնել Չեխիային։

Խմբի մրցաշարային աղյուսակն ստացավ հետևյալ տեսքը.

  1. Անգլիա – 15 միավոր
  2. Իսպանիա – 15
  3. Խորվաթիա – 6
  4. Չեխիա – 0

Անգլիան ու Իսպանիան դուրս եկան Ազգերի լիգայի խաղարկության քառորդ եզրափակիչ։ Խորվաթիան տեղը պահեց A լիգայում, իսկ Չեխիան դուրս մնաց ուժեղագույնների խմբից ու մրցաշարի հաջորդ խաղարկությունում կխաղա B դիվիզիոնում։

Իսպանիա – Անգլիա հանդիպման գոլերը` այստեղ

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml

# , , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2026