«Արսենալը» 90 միլիոն կառաջարկի Բրազիլիայի հավաքականի ֆուտբոլիստի տրանսֆերի համար

«Արսենալը» լրջորեն հետաքրքրված է «Նյուքասլի» կիսապաշտպան Բրունո Գիմարայեսի ծառայություններով, հայտնում է ինսայդեր Նիկոլո Սկիրան։

«Զինագործները» 28-ամյա ֆուտբոլիստի տեղափոխության համար կառաջարկեն 90 միլիոն եվրո։

«Կաչաղակաները» Գիմարայեսի տարսնֆերը կվաճառեն, եթե վճարվի 120 միլիոն եվրո։

Բրազիլացի ֆուտբոլիստն ուզում է հեռանալ «Նյուքասլից»։ Նա արդեն մինչև 2031թ. հուլիսի 1-ը պայմանագիր է համաձայնեցրել «Արսենալի» հետ։

Transfermarkt-ի տվյալներով` եթե գործարքը կայանա, կդառնա լոնդոնյան գրանդի պատմության մեջ երկրորդ ամենաթանկարժեք տրանսֆերը։

«Արսենալը» ավելի շատ գումար վճարել է միայն Դեկլան Ռայսի տեղափոխության համար։ «Զինագործները» 2023թ. ամռանն անգլիացի ֆուտբոլիստի տրանսֆերը «Վեսթ Հեմից» գնել է 116,6 միլիոն եվրոյով։

Գիմարայեսը «Նյուքասլում» հանդես է գալիս 2022թ. հունվարից, 195 խաղում խփել է 31 գոլ, կատարել 32 գոլային փոխանցում։

Փորձառու ֆուտբոլիստը 2020թ. նոյեմբերից հրավիրվում է Բրազիլիայի հավաքական։ Նա «Պենտակամպիոնների» կազմում 48 խաղում գրանցել է 3 գոլ ու 12 ասիստ։

Գիմարայեսն ազգային թիմի հետ մասնակցեց ԱԱ-2026-ին` 5 խաղում կատարելով 4 գոլային փոխանցում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml