Ներկայացում Լոնդոնում! Տոտենհեմը գերգոլառատ խաղում հաղթեց Ման. Յունայթեդին🎥

Անգլիայի Լիգայի գավաթի խաղարկության քառորդ եզրափակիչում «Տոտենհեմը» Լոնդնում մրցեց «Մանչեսթեը Յունայթեդի» դեմ։

Թրիլերային և գերգոլառատ պայքարում անցած խաղում «Տոտենհեմը» կարողացավ հաղթել 4:3։

«Խթանները» Դոմինիկ Սոլանկեի դուբլի ու Դեյան Կուլուսևսկի գոլ շնորհիվ առավելության էին հասնում 3:0 հաշվով, սակայն լոնդոնյան ակումբի դարպասապահ Բեն Ֆոսթերը կոպտագույն երկու սխալ թույլ տվեց և գոլեր նվիրեց «կարմիր սատանաներին». աչքի ընկան Ջոշուա Զիրկզեն և Ամադ Դիալոն։

Ռուբեն Ամորիմի գլխավորած թիմը փորձեց վերադառնալ խաղ, սակայն 88-րդ րոպեին տանտերերի ավագ և առաջատար Հին Մին Սոնն անկյունայինից կատարած ուղիղ հարվածով անհավանական գոլ խփեց` լուսատախտակին վառելով 4:2 հաշիվը։

90+4-րդ րոպեին անկյունայինի խաղարկումից հետո Ջոնի Էվանսը մեկ գնդակ հետ բերեց մանկունյական ակումբի համար, բայց ավելին անել չհաջողվեց։

Այսպիսով, «Տոտենհեմը» Լիգայի գավաթի կիսաեզրափակիչում է, որտեղ երկու հանդիպում կանցկացնի «Լիվերպուլի» դեմ։

Դիմակայության առաջին հանդիպումը կայանալու է Լոնդոնում հունվարի 8-ին, իսկ պատասխան հանդիպումն «Էնֆիլդ Ռոուդ» ստադիոնում` փետրվարի 5-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից