Փարիզ-2024. Ալեքսանյանը գերդրամատիկ հաղթանակով դուրս եկավ կիսաեզրափակիչ 🎥
06/08/2024 - 15:20
33-րդ ամառային Օլիմպիական խաղերում հունահռոմեական ոճի ըմբշամարտի Հայաստանի հավաքականի անդամ Արթուր Ալեքսանյանը (97 կգ) դուրս է եկել կիսաեզրափակիչ։
1/8 եզրափակչում Ալեքսանյանը նախատեսվածից շուտ 9:0 հաշվով հարավկորեացի Սինջուն Կիմին հաղթելուց հետո քառորդ եզրափակիչում գոտեմարտեց Ուզբեկստանի ներկայացուցիչ Ռուստամ Ասակալովի դեմ։
Գոտեմարտի ավարտից 29 վայրկյան առաջ լուսատախտակին վառվում էր 5-5 հաշկիվը, որն առավելությունը տալիս էր Ասակալովին, սակայն Ալեքսանյանը 4-միավորանոց գեղեցիկ հնարք կատարեց ու հաղթանակ կորզեց։
Այսպիսով, 2016 թ. Ռիո դե Ժանեյրոնի Օլիմպիական խաղերի ոսկե մեդալակիրը դուրս է եկել կիսաեզրափակիչ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am