Ֆուտզալ. Հայաստանի հավաքականը շարունակում է հիացնել` հաղթելով նաև Բուլղարիային

Հայաստանի ֆուտզալի հավաքականն աշխարհի 2024 թ. առաջնության որակավորման փուլի 2-րդ տուրում C խմբի շրջանակում մրցեց Բուլղարիայի դեմ։

Ռուբեն Նազարեթյանի թիմը վստահ հանդիպում անցկացրեց` հաղթելով 3:0 հաշվով։

Մեր հավաքականի կազմից մեկական անգամ աչքի ընկան Ժոաո Կարվալիոն, Դավիթ Ասլանյանն ու Վլադիմիր Սանոսյանը։

Այս խմբի մյուս խաղում Կոսովոն 4:1 հաշվով հաղթել է Շոտլանդիային։

2-րդ տուրից հետո C խումբն ունի հետևյալ տեսքը.

1. Հայաստան – 6 միավոր
2. Կոսովո – 6 միավոր
3. Բուլղարիա – 0 միավոր
4. Շոտլանդիա – 0 միավոր

Նշենք, որ Հայաստանի ու Կոսովոյի հավաքականներն արդեն ապահովել են որակավորման երկրորդ փուլի ուղեգիրը։

Հավելենք, որ Հայաստանի ֆուտզալի հավաքականն այս ընտրական փուլի վերջին` երրորդ հանդիպումը կանցկացնի ապրիլի 11-ին ու կմրցի Կոսովոյի դեմ։

Հիշեցնենք, որ 1-ին տուրում մեր տղաները 11:0 հաշվով ջախջախել էին Շոտլանդիային։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am