Քեյնն ու Սոնը մի շարք տպավորիչ ցուցանիշներ են գրանցել

02/01/2021 - 20:30

Անգլիական Պրեմիեր լիգայի 17-րդ տուրի շրջանակում «Տոտենհեմը» սեփական հարկի տակ 3։0 հաշվով հաղթեց «Լիդսին»։

Լոնդոնյան ակումբի կազմում հերթական փայլուն հանդիպումն անցկացրին Հարի Քեյնն ու Հին Մին Սոնը, ովքեր աչքի ընկան մեկական անգամ։ Անգլիացի հարձակվողը նաև իր անվան դիմաց գոլային փոխանցում գրանցեց՝ օգնելով աչքի ընկնել հենց Սոնին։

Ինչպես տեղեկացնում է OptaJoe-ն, Քեյնն ու Սոնը Պրեմիեր լիգայի շրջանակում միմյանց ընդհանուր առմամբ կատարել են 13 գոլային փոխանցում։ Քեյնի փոխանցումներից հետո Սոնն աչքի է ընկել 9 անգամ, իսկ հարավկորեացին իր հերթին անգլիացուն օգնել է 4 անգամ։

Աղբյուրի փոխանցմամբ՝ այս ցուցանիշով Պրեմիեր լիգայի շրջանակում Քեյնն ու Սոնը կրկնել են «Բլեքբեռնի» նախկին ֆուտբոլիստներ Ալան Շիրերի և Քրիս Սաթոնի ցուցանիշը, երբ 1994/95 մրցաշրջանում միմյանց կատարել են 13 գոլային փոխանցում։ Բանն այն է, որ Սոնին ու Քեյնին այդ ցուցանիշին հասնելու համար բավարար է եղել ընդամենը 16 հանդիպում, իսկ Շիրերին ու Սաթոնին՝ 42։

13 – Harry Kane and Son Heung-min have now combined for 13 goals in the Premier League this season – no duo has ever combined for more in a single campaign in the competition. Telepathy. #TOTLEE pic.twitter.com/zgvgCLRPUJ
— OptaJoe (@OptaJoe) January 2, 2021

Հարի Քեյնը ևս երկու տպավորիչ ցուցանիշ է գրանցել։

Ինչպես նշեցինք վերևում, ընթացիկ մրցաշրջանում 27-ամյա հարձակվողը Հին Մին Սոնին արդեն կատարել է 9 գոլային փոխանցում, ինչը մեկ մրցաշրջանի ընթացքում ռեկորդի կրկնություն է։

Ինչպես տեղեկացնում է Gracenote Live-ը, Քեյնը կրկնել է Մայք Նյուելի («Բլեքբեռն») և Սթենլի Քոլիմորի («Լիվերպուլ») ռեկորդային ցուցանիշները, ովքեր նույն՝ 1995/96 մրցաշրջանում 9-ական անգամ գոլային փոխանցում են կատարել համատասխանաբար Ալան Շիրերին և Ռոբի Ֆաուլերին։

🤝 – @HKane equals the Premier League record for most assists for a teammate in a single season

9 – Harry Kane for Son Heung-Min (2020/21 for Spurs)
9 – Mike Newell for Alan Shearer (1995/96 for Blackburn)
9 – Stan Collymore for Robbie Fowler (1995/96 for Liverpool)#TOTLEE
— Gracenote Live (@GracenoteLive) January 2, 2021

Բացի դրանից, Քեյնը ԱՊԼ-ի շրջանակում դարձավ առաջին ֆուտբոլիստը, ով կայացած 16 տուրերից հետո նվազագույնը դարձել է 10 գոլի և 10 գոլային փոխանցման հեղինակ։ Անգլիացին 16 խաղից հետո իր ակտիվում ունի արդեն 10 գոլ և 11 գոլային փոխանցման հեղինակ։ Այդ մասին տեղեկացնում է Sky Sports-ը։

Այդ ցուցանիշով Քեյնը գերազանցել է «Արսենալի» նախկին կիսապաշտպան Սեսկ Ֆաբրեգասի ցուցանիշը, ով 2009/10 մրցաշրջանում 10+10-ի հասել էր մեկնարկային 17 տուրերի ընթացքում։

🥇 Harry Kane is the first player to reach both 10 goals & 10 assists in the PL this season. He’s achieved this double in the fewest appearances in PL history (16), beating the previous record of Cesc Fabregas (17 for Arsenal in 2009-10) pic.twitter.com/YOvjaA7vCy
— Sky Sports Statto (@SkySportsStatto) January 2, 2021

Հին Մին Սոնն էլ, «Լիդսի» դեմ խաղում 43-րդ րոպեին դառնալով գոլի հեղինակ, «Տոտենհեմի» կազմում բոլոր մրցաշարերի շրջանակում խփեց իր 100-րդ գոլը։ Նրան այդ ցուցանիշին հասնելու համար պահանջվել է 253 հանդիպում։

Ինչպես գրում է Gracenote Live-ը, հարավկորեացին դարձավ «Տոտենհեմի» պատմության շրջանակում նման ցուցանիշ գրանցաց 18-րդ ֆուտբոլիստը, սակայն, Սոնն առաջինն է, ով 100 գոլի սահմանագիծը հատում է՝ չլինելով Մեծ Բրիտանիայից կամ էլ Իռլանդիայից։

💯 – Son Heung-Min 🇰🇷 is the 18th player to score 100 goals for @SpursOfficial in all competitions, but the first from outside United Kingdom and Ireland. #TOTLEE #COYS
— Gracenote Live (@GracenoteLive) January 2, 2021

# Ալան Շիրեր, ԱՊԼ, Բլեքբեռն, Լիդս, Լիվերպուլ, Հարի Քեյն, Հին Մին Սոն, Ռոբի Ֆաուլեր, Սեսկ Ֆաբրեգաս, Տոտենհեմ