Փյունիկը հիանալի խաղով ջախջախեց Նարվա Տրանսին` դուրս գալով ԿԼ որակավորման երկրորդ փուլ🎥

Կոնֆերենցիաների լիգայի որակավորման առաջին փուլի պատասխան խաղում «Փյունիկը» հյուրընկալվելիս մրցեց էստոնական «Նարվա Տրանսի» դեմ։

Հիշեցնենք, որ դիմակայության առաջին խաղում «Փյունիկը» հաղթել էր 2:0 հաշվով։

Պատասխան խաղում երևանյան ակումբը կրկին մեծ առավելություն ուներ և այս անգամ հաղթեց 3:0 հաշվով։

Եղիշե Մելիքյանի թիմից մեկական գոլ խփեցին Արտակ Դաշյանը, Խամեսը և Լուկա Յուրիչիչը։

Նշենք, որ 3:0 հաշվի ժամանակ Լևոն Վարդանյանը չկարողացավ աչքի ընկնել 11-մետրանոց նշակետից։

Այսպիսով, «Փյունիկն» ընդհանուր դիմակայությունում հաղթեց 5:0 հաշվով` դուրս գալով Կոնֆերենցիաների լիգայի որակավորման երկրորդ փուլ, որի շրջանակում մրցելու է շվեդական «Կալմարի» դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am