Ստյոպա Մկրտչյանը մոտ է կարիերան խորվաթական ակումբի կազմում շարունակելուն

ԲԿՄԱ-ի կենտրոնական պաշտպան Ստյոպա Մկրտչյանը, ում տրանսֆերային իրավունքները պատկանում են «Արարատ-Արմենիային», մոտ է կարիերան Խորվաթիայի բարձրագույն առաջնությունն` Ազգային լիգան ներկայացնող «Օսիեկի» կազմում շարունակելուն։

Ինչպես տեղեկացնում է Spotske Novosti պարբերականը, 20-ամյա ֆուտբոլիստն արդեն հուլիսի 10-ին բուժզննում կանցնի նոր ակումբի համար։

Սպասվում է, որ «Օսիեկը» մինչև 2023/24 մրցաշրջանի ավարտը, գնման իրավունքով, կվարձակալի Մկրտչյանին։

Հավելենք, որ «Օսիեկն» Ազգային լիգայի 2022/23 խաղարկությունում զբաղեցրել է 3-րդ հորիզոնականը` նվաճելով Կոնֆերենցիաների լիգայի որակավորման երկրորդ փուլի ուղեգիր, որի շրջանակում մրցելու է հունգարական «Զալաեգերսեգ» ակումբի դեմ։

Նշենք, որ Ստյոպա Մկչտչյանը 2022/23 մրցաշրջանում անցկացրել է 19 հանդիպում` խփելով 2 գոլ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am