Ռեալը Կրոսի տնային վերջին խաղում չկարողացավ հաղթանակ տանել 🎥

Իսպանական Լա լիգայի վերջին` 38-րդ տուրում, Մադրիդի «Ռեալը» տանը մրցեց «Բետիսի» դեմ։

Ոչինչ չորոշող խաղում կողմերը գոլեր չխփեցին։

Նշենք, որ սա «արքայական» ակումբի կիսապաշտպան Տոնի Կրոսի վերջին տնային հանդիպումն էր «Ռեալի» կազմում. գերմանացի ֆուտբոլիստը վերջերս հայտարարեց, որ Եվրո-2024-ի ավարտից հետո ավարտելու է կարիերան։

Կառլո Անչելոտիի թիմն առաջնությունն ավարտեց 95 միավորով։ «Ռեալը» վաղուց նվաճել է Իսպանիայի չեմպիոնի տիտղոսը։ «Բետիսը» 57 միավորով զբաղեցրեց 7-րդ տեղը և նվաճեց Կոնֆերենցիաների լիգայի ուղեգիր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am