Ջեյմս Միլները մոտ է ակումբային գրանցումը փոխելուն

«Լիվերպուլի» կիսապաշտպան Ջեյմս Միլներն ընթացիկ մրցաշրջանի ավարտից հետո ազատ գործակալի կարգավիճակով հեռանալու է ակումբից։

Կողմերի միջև պայմանագիրը լրանում է ընթացիկ մրցաշրջանի ավարտին, որը կողմերը չեն երկարաձգելու։

Ինչպես տեղեկացնում է The Athletic-ի լրագրող Դավիդ Օրնշտայնը, 37-ամյա ֆուտբոլիստի ծառայություններով լրջորեն հետաքրքրված է «Բրայթոնը»։

«Ճայերը» վետերան ֆուտբոլիստի հետ ակտիվ բանակցություններ են վարում և շատ մոտ են համաձայնության հասնելուն։

Միլներին իր շարքերում է ցանկանում տեսնել նաև «Բարնլին», սակայն նրա հետ պայմանագիր կնքելու հարցում ֆավորիտը «Բրայթոնն» է։

Միլների` «Բրայթոն» հավանական տեղափոխության մասին լուրը հաստատում է նաև ինսյադեր Նիկոլո Սկիրան։

Աղբյուրի փոխանցմամբ` «Ճայերը» Միլներին մինչև 2024 թ. հունիսի 30-ը պայմանագիր են կնքել։

Հիշեցնենք, որ անգլիացի ֆուտբոլիստը «Լիվերպուլի» կազմում հանդես է գալիս 2015 թ. հուլիսից, որի կազմում մինչ օրս անցկացրել է 326 հանդիպում` դառնալով 26 գոլի և 46 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am