Շաքիրին պայմանագիր է համաձայնեցրել իր հավանական նոր ակումբի հետ

«Լիվերպուլի» վինգեր Շկեդրան Շաքիրին, ամենայն հավանականությամբ, շուտով կփոխի ակումբային գրանցումը։

Ինչպես տեղեկացնում է իտալացի ինսայդեր Ֆաբրիցիո Ռոմանոն, շվեյցարացի ֆուտբոլիստը մինչև 2024 թ. պայմանագիր է համաձայնեցրել «Լիոնի» հետ։

Շաքիրին այժմ փորձում է ճնշում գործադրել «Լիվերպուլի» ղեկավարության վրա, որպեսզի բաց թողնեն իրեն և վաճառեն։

Աղբյուրի փոխանցմամբ` «Լիոնը» Շաքիրիի տրանսֆերի դիմաց առաջարկել է 6 մլն եվրո և տարբեր հավելավճարներ, սակայն «Լիվերպուլն» ավելին է ցանկանում ստանալ։ Կողմերի միջև դեռևս համաձայնություն չկա, իսկ բանակցությունները շարունակվում են։

Հիշեցնենք, որ Շկեդրան Շաքիրին մերսիսայդյան ակումբում հանդես է գալիս 2018 թ. հուլիսից, որի կազմում անցկացրել է 63 հանդիպում` դառնալով 8 գոլի և 9 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am