Մոնակոն պատրաստ է Իկարդիի համար առաջարկել 65 մլն եվրո

Մոնակոն պատրաստ է Իկարդիի համար առաջարկել 65 մլն եվրո

19/08/2019 - 19:19

«Մոնակոն» դեռ մտադիր է ձեռք բերել «Ինտերի» հարձակվող Մաուրո Իկարդիին: Վերջինիս ցանկանում են ձեռք բերել նաև «Յուվենտուսը» և «Նապոլին»:

Ֆրանսիացիները պատրաստ են արգենտինացու համար վճարել 60-65 մլն եվրո, գումարած հավելավճարները:

 Football Italia-ն Rai Sport-ի հղումով հայտնում է, որ «Մոնակոն» պատրաստ է Իկարդիին առաջարկել 5 տարով պայմանագիր և վճարել նրան տարեկան 12 մլն եվրո աշխատավարձ:

«Նապոլին» իր հերթին ֆուտբոլիստին առաջարկում է տարեկան 7,5 մլն եվրո, գումարած հավելավճարները (ընդհանուր 9,5 մլն եվրո):

Իկարդին ցանկանում է տեղափոխվել «Յուվենտուս» և արդեն նրանց հետ պայմանագիր է համաձայնեցրել: Սակայն «Ինտերը» նախընտրում է ֆուտբոլիստին չվաճառել Ա սերիայի թիմերին:

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023