Մեսսին` ԱԱ-2022-ի մասին. «Մենք գիտեինք, որ Արգենտինան հավակնում է տիտղոսին»

«Ինտեր Մայամիի» և Արգենտինայի հավաքականի հարձակվող Լեո Մեսսին խոսել է ԱԱ-2022-ի մասին.

«Կատար մեկնելու պահից ի վեր գիտեինք, որ հավակնում ենք տիտղոսին։ Մենք չէինք ցանկանում դրա մասին հրապարակավ բարձրաձայնել, սակայն թիմի ներսում հավատում էինք դա։

Սաուդյան Արաբիայից կրած պարտությունը (1:2) մեզ երկնքից ցած իջեցրեց։ Այն բանի պատճառով, թե ինչպես էր անցկացվում մրցաշարը, ցանկացած մրցակից բարդ էր մեզ համար։

Նույնիսկ Ավստրալիան շատ բարդ մրցակից էր։ Եթե հասել էին 1/8 եզրափակիչ, նշանակում է, որ արել էին ամեն ինչ ճիշտ։

Այդուհանդերձ, Արգենտինան, ընդհանուր առմամբ, շարունակում էր լինել ֆավորիտ»,- մեջբերում է ESPN-ը։

Հիշեցնենք, որ 2022 թ. Արգենտինան դարձավ աշխարհի եռակի չեմպիոն` եզրափակիչում 11-մետրանոցներով հաղթելով Ֆրանսիային։

Լեո Մեսսին ճանաչվեց մրցաշարի լավագույն ֆուտբոլիստ` անցկացրած 7 խաղում դառնալով 7 գոլի և 3 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am