Հերթական հիասթափությունը. Ֆաթին կրկին վնասվածք է ստացել ու արցունքներն աչքերին փոխարինվել🎥

Իսպանիայի գավաթի 1/8 եզրափակիչի շրջանակում «Բարսելոնան» հյուրընկալվելիս լրացուցիչ ժամանակում 2:3 հաշվով դրամատիկ պայքարում զիջեց «Ատլետիկ Բիլբաոյին»` լքելով պայքարը։

Հանդիպման 61-րդ րոպեին կատալոնական ակումբի կազմից փոխարինման դուրս եկավ հարձակվող Անսումանե Ֆաթին, ով, սակայն 96-րդ րոպեին վնասվածք ստացավ և ստիպված փոխարինվեց։

Ինչպես հայտնում է «Բարսելոնայի» մամուլի ծառայությունը, 19-ամյա ֆուտբոլիստը վնասել է ձախ ոտքի երկգլխանի մկանը, իսկ, ըստ Mundo Deportivo-ի տեղեկությունների, Ֆաթին այս վնասվածքի պատճառով նվազագույնը 2 ամիս չի կարող օգնել իր թիմին։

Հատկանշական է, որ երիտասարդ ֆուտբոլիստին արդեն տևական ժամանակ է հանգիստ չեն տալիս վնասվածքները։ Նա 2020 թ. նոյեմբերից տարբեր վնասվածքների հետևանքով բաց է թողել 389 օր կամ 63 հանդիպում։

Նշենք, որ «Ատլետիկի» դեմ խաղում փոխարինվելիս Անսու Ֆաթին չի կարողացել զսպել հույզերն ու արցունքներն աչքերին հեռացել է դաշտից։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am