Զախարյանը կհրավիրվի ՌԴ հավաքական` մասնակցելու ԱԱ-2022-ի որակավորման փուլի հանդիպումներին

Ինչպես տեղեկացնում է РБК-Спортс-ը, «Դինամո Մոսկվայի» 18-ամյա կիսապաշտպան Արսեն Զախարյանը կհրավիրվի Ռուսաստանի հավաքական` մասնակցելու սեպտեմբերին կայանալիք ԱԱ-2022-ի որակավորման փուլի հանդիպումներին։

Աղբյուրի փոխանցմամբ` ՌԴ հավաքականի նորանշանակ գլխավոր մարզիչ Վալերի Կարպինը երիտասարդ ֆուտբոլիստի հետ լուրջ հույսեր է կապում։

Նշվում է, որ հավաքականի ընդլայնված հայտացուցակը կհարապարակվի օգոստոսի 16-ին։

Հիշեցնենք` Զախարյանն արդեն հրավիրվել է Ռուսաստանի հավաքական և ընդգրկված է եղել Եվրո-2020-ի ընդլայնված հայտացուցակում, սակայն մրցաշարը բաց է թողել բակտերիալ անգինայի պատճառով։

Հավելենք, որ Ռուսաստանի հավաքականը սեպտեմբերի 1-ին և 7-ին սեփական հարկի տակ կմրցի համապատասխանաբար Խորվաթիայի և Մալթայի դեմ, իսկ ամսի 4-ին կհյուրընկալվի Կիպրոսին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am