Դրամա Սևիլիայում. Բետիսը 17 տարի անց վերադարձավ Իսպանիայի գավաթի եզրափակիչ🎥
Իսպանիայի գավաթի կիսաեզրափակիչի պատասխան հանդիպման շրջանակում «Բետիսը» Սևիլիայի «Բենիտո Վիլյամարին» մարզադաշտում մրցեց «Ռայո Վալեկանոյի» դեմ։
Հիշեցնենք, որ դիմակայության առաջին խաղում «Բետիսը» հաղթել էր 2:1 հաշվով։
Ինչ վերաբերում է պատասխան հանդիպմանը, ապա այն հիմնականում անցավ անդալուսական ակումբի շոշափելի առավելության պայմաններում, սակայն բանը չէր հասնում իրական գոլային պահերին։
«Ռայո Վալեկանոն», որը գործնականում ողջ հանդիպման ընթացքում ոչնչով աչքի չէր ընկել, 80-րդ րոպեին, ինչպես ամպրոպ անամպ երկնքում, առաջ անցավ հաշվի մեջ. տուգանայինից կատարած ուղիղ հարվածով ֆանտաստիկ գոլի հեղինակ դարձավ Բեբեն։
Թվում էր` Մանուել Պելեգրինիի թիմն այլևս ժամանակ չի ունենա խաղը փրկելու համար, իսկ հանդիպումը կտեղափոխվի լրացուցիչ ժամանակ, սակայն 90+2-րդ «Բետիսի» հարձակվող Բորխա Իգլեսիասը թաղեց պայքարի մեջ մնալու «Ռայոյի» բոլոր հույսերն ու հավասարեցրեց հաշիվը։
Ի վերջո հանդիպումն ավարտվեց 1:1 հաշվով։
Այսպիսով, «Բետիսը» 2005 թ. ի վեր առաջին անգամ նվաճեց Իսպանիայի գավաթի եզրափակիչի ուղեգիր, որի շրջանակում ապրիլի 23-ին` Սևիլիայի «Լա Կարտուխա» մարզադաշտում կմրցի «Վալենսիայի» դեմ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am