Դրամա Միլանում. Ինտերը comeback արեց Լացիոյի դեմ խաղում 🎥

Իտալական Ա սերիայի 32-րդ տուրի կենտրոնական հանդիպումներից մեկը կայացավ Միլանի «Ջուզեպե Մեացա» մարզադաշտում, որտեղ «Ինտերը» մրցեց «Լացիոյի» դեմ։

Հանդիպումը մեկնարկել և ընթանում էր «ներաձուրիների» առավելությամբ, ինչկ արդյունքում տանտերերը 27-րդ րոպեին Հենրիխ Մխիթարյանի ջանքերով բացեցին հաշիվը, սակայն գլխավոր մրցավար Մարկո Գվիդան Խոակին Կոռեայի խաղից դուրս իրավիաճի պատճառով չարձանագրեց դարպասի գրավումը։

«Արծիվներն» էլ, ինչպես ամպրոպ անամպ երկնքում, 30-րդ րոպեին, օգտվելով Ֆրանչեսկո Աչերբիի կոպիտ սխալից, բացեցին հաշիվն. աչքի ընկավ Ֆելիպե Անդերսոնը։

Կողմերն ընդմիջման գնացին 1:0 հաշվով։

Երկրորդ կեսում Սիմոնե Ինձզագին դաշտ դուրս բերեց Լաուտարո Մարտինեսին և Ռոբին Գոսենսին` փորձելով հետ բերել կորցրածը։

Խաղակեսի մեծ մասում միլանյան ակումբն ուներ խաղային լուրջ առավելություն, սակայն երկար ժամանակ չէր հաջողվում խփել պատասխան գոլը։

Այդուհանդերձ, «Ինտերի» ֆուտբոլիստները խաղավերջում կարողացան տպավորիչ comeback անել և հաղթել 3:1 հաշվով։

Տանտերերի կազմից դուբլի հեղինակ դարձավ Լաուտարո Մարտինեսը, մեկ անգամ էլ աչքի ընկավ Գոսենսը, ով գոլը խփեց վնասվածքի գնով և փոխարինվեց։

Այս հաղթանակից հետո «Ինտերը» վաստակեց 57 միավոր և բարձրացավ 4-րդ հորիզոնական։

«Լացիոն», 61 միավորով, 2-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am