Գերմանիան ֆանտաստիկ է. «բունդեսմանշաֆթը» գերգոլառատ խաղում հաղթեց Իտալիային🎥

Ազգերի լիգայի A դիվիզիոնի 3-րդ խմբի 4-րդ տուրում` Մյունխենգլադբախի «Բորուսիա Պարկ» մարզադաշտում, միմյանց դեմ մրցեցին Գերմանիայի ու Իտալիայի հավաքականները։

Հանսի Ֆլիկի թիմը պարզապես ֆանտաստիկ հանդիպում անցկացրեց, ինչի արդյունքում Գերմանիան մրցակցին ջախջախեց 5:2 հաշվով։

«Բունդեսմանշաֆթի» կազմից դուբլի հեղինակ դարձավ Տիմո Վերները, իսկ Իլկայ Գյունդողանը, Յոզուա Կիմիխն ու Թոմաս Մյուլլերն աչքի ընկան մեկական անգամ։

«Սկուադրա աձուրիի» կազմից էլ գնդակները խփեցին 18-ամյա հարձակվող Վիլֆրիդ Նյոնտոն ու Ալեսանդրո Բաստոնին։

A դիվիզիոնի 3-րդ խմբում կայացավ ևս մեկ հանդիպում.

Անգլիա 0:4 Հունգարիա

Խումբը 4-րդ տուրից հետո ստացավ հետևյալ տեսքը.

1. Հունգարիա – 7 միավոր
2. Գերմանիա – 6 միավոր
3. Իտալիա – 5 միավոր
4. Անգլիա – 2 միավոր

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am