Գայա. «Սուլում են ինչպես ցանկանում են. բոլորը կհամաձայնեն, որ ես առաջինը հասա գնդակին»

Իսպանական Լա լիգայի 9-րդ տուրի շրջանակում «Վալենսիան» հյուրընկալվելիս 1:3  հաշվով պարտվեց «Բարսելոնային»։

Հանդիպման 40-րդ րոպեին գլխավոր մրցավար Խեսուս Խիլ Մանսանոն «չղջիկների» դարպասին 11-մետրանոց հարված նշանակեց` Խոսե Գայայի` Անսու Ֆաթիի նկատմամբ թույլ տված կանոնների խախտման համար։

Խաղից հետո Գայան խոսել է այդ դրվագի մասին.

«Բոլորը կհամաձայնեն, որ ես առաջինը հասա գնդակին։ Հնարավոր է` Ֆաթիի հետ փոքրիկ հպում եղավ, սակայն դանդաղեցրած կրկնապատկերը միշտ էլ խաբուսիկ է։

Կրկնապատկերներից մեկը ցույց տվեց, որ ես հպվում եմ գնդակին, իսկ մյուսի դեպքում` որ Ֆաթիին եմ հարվածում։ Ամեն ինչ նույնն է. սուլում են ինչպես ցանկանում են»,- նշել է «լոս չեսի» ավագը, ում խոսքերը մեջբերում է Marca-ն։

Հիշեցնենք, որ այդ դրվագում Մեմֆիս Դեպայը դիպուկ իրացեց 11-մետրանոցն ու առաջ մղեց «Բարսելոնային»` հաշիվը դարձնելով 2:1։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am