Բենիտո Մուսոլինիի ծոռն առաջին անգամ հայտավորվել է Ա սերիայի հանդիպման

Բենիտո Մուսոլինիի ծոռն առաջին անգամ հայտավորվել է Ա սերիայի հանդիպման

24/10/2021 - 11:47

Իտալական Ա սերիայի 9-րդ տուրի շրջանակում «Լացիոն» հյուրընկալվելիս կմցրի «Վերոնայի» դեմ։

«Լացիոյի» գլխավոր մարզիչ Մաուրիցիո Սարին այդ խաղից առաջ բարդ գլխացավանքի առաջ է կանգնել, քանի որ տարբեր պատճառներով հանդիպումը բաց են թողնելու Ֆրանչեսկո Աչերբին, Լուիս Ֆելիպեն և Մատիա Ձականյին։

Այդ ամենով պայմանավորված` Սարին ստիպված է եղել «Վերոնայի» դեմ հանդիպման հայտացուցակում ընդգրկել նաև 18-ամյա եզրային պաշտպան Ռոմանո Ֆլորիանի Մուսոլինիին։

Հավելենք, որ երիտասարդ ֆուտբոլիստը իտալացի հանրահայտ քաղաքական գործիչ, Ազգային ֆաշիստական կուսակցության ղեկավար Բենիտո Մուսոլինիի ծոռն է, ով 1922-1943 թթ. եղել է նաև Իտալիայի վարչապետը։

Բենիտո Մուսոլինին հայտնի էր իր ֆաշիստական գաղափարներով և Երկրորդ համաշխարհային պատերազմի ժամանակ ղեկավարում էր Իտալիայի բանակը։

Վերջում նշենք, որ Ռոմանո Ֆլորիանի Մուսոլինին առաջին անգամ է հայտավորվել Ա սերիայի հանդիպման, սակայն «Վերոնայի» դեմ խաղը, ամենայն հավանականությամբ, կանցկացնի պահեստայինների նստարանին։

Մուսոլինին խաղում է աջ պաշտպանի դիրքում և հանդես է գալիս «Լացիոյի» Մ-19 տարեկանների թիմում, որի կազմում ընթացիկ մրցաշրջանում անցկացրել է 7 հանդիպում` դառնալով 1 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023