Արսեն Վենգերը, հնարավոր է, վերսկսի մարզչական կարիերան

«Արսենալի» նախկին գլխավոր մարզիչ Արսեն Վենգերը, հնարավոր է, վերսկսի մարզչական կարիերան։

Ինչպես տեղեկացնում է Blick-ը, Շվեյցարիայի ֆուտբոլի ֆեդերացիան 71-ամյա մասնագետին դիտարկում է որպես այդ երկրի հավաքականի գլխավոր մարզչի հիմնական թեկնածու։

Աղբյուրի փոխանցմամբ` շվեյցարացիները Վենգերին դիտարկում են որպես կարճաժամկետ տարբերակ և նրան ցանկանում են հրավիրել, որպեսզի վերջինս օգնի նվաճել ԱԱ-2022-ի ուղեգիր։

Ներկայումս լեգենդար նախկին մարզիչը ՖԻՖԱ-ում զբաղեցնում է Համաշխարհային ֆուտբոլի զարգացման բաժնի պետի պաշտոնը։

Ավելի վաղ հայտնի դարձավ, որ Շվեյցարիայի հավաքականի գլխավոր մարզիչ Վլադիմիր Պետկովիչը հեռացել է զբաղեցրած պաշտոնից` ստանձնելով Լիգա 1-ը ներկայացնող «Բորդոյի» ղեկը։

Հիշեցնենք, որ Արսեն Վենգերը 1996-2018 թթ. մարզել է «Արսենալը», որի հետ նվաճել է 17 տիտղոս, իսկ 2006 թ. «զինագործները» նրա գլխավորությամբ հասել են մինչև Չեմպիոնների լիգայի եզրափակիչ, սակայն 1:2 հաշվով զիջել են «Բարսելոնային»։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am