Անգլիական գրանդը Մենդեշի հետ քննարկել է Ռոնալդուի հավանական տրանսֆերը

«Մանչեսթեր Յունայթեդի» հարձակվող Կրիշտիանու Ռոնալդուն, հնարավոր է, շուտով փոխի ակումբային գրանցումը։

Ինչպես հայտնում է The Athletic-ը, պորտուգալացի հարձակվողի ծառայություններով սկսել է հետաքրքրվել «Չելսին»։

Աղբյուրի փոխանցմամբ` «ազնվականների» նոր սեփականատեր Թոդ Բոուելին անցնող շաբաթվա ընթացքում հանդիպել է 37-ամյա ֆուտբոլիստի գործակալ Ժորժե Մենդեշի հետ։

Կողմերը հանդիպման ընթացքում քննարկել են Ռոնալդուի` հավանական տեղափոխությունը «Չելսի»։

Նշենք` կան խոսակցություններ, որ Ռոնալդուն մտադիր է հեռանալ մանկունյական ակումբից, քանի որ ցանակնում է հանդես գալ Չեմպիոնների լիգայում։

Բացի այդ, նա դժգոհ է «կարմիր սատանաների» ամբիցիաներից ու ղեկավարության վարած քաղաքականությունից։

Հիշեցնենք, որ պորտուգալացի ֆուտբոլիստը 2021 թ. ամռանը 12 տարվա դադարից հետո վերադարձավ «Մանչեսթեր Յունայթեդ», որի կազմում 2021/22 մրցաշրջանում բոլոր մրցաշարերի շրջանակում անցկացրած 38 խաղում դարձավ 24 գոլի և 3 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am