Ալվես. «Բարսան» «թքած» ունի այն մարդկանց վրա, ովքեր կերտել են ակումբի պատմությունը»

«Բարսելոնայի» նախկին պաշտպան Դանի Ալվեսը որոշ փակագծեր է բացել, թե ինչու է դադարեցրել համագործակցությունն ակումբի հետ.

«Ես չեմ տխրում, որ հեռացել եմ։ Ընդհակառակը, ուրախ եմ, որ վերադարձա «Բարսելոնա»։ Ես դրա մասին երազում էի 5 տարի։

Միակ բանը, որն ինձ, իրոք, դուր չեկավ, այն էր, թե ինչպես ինձ հրաժեշտ տվեցին։

Ստորագրելով պայմանագիրը` ես ակումբին հասկացրի, որ արդեն 20 տարեկան տղա չեմ, որ ցանկանում եմ ամեն ինչ թափանցիկ լինի, սակայն այս ակումբը վերջին տարիներին շատ մեղքեր է գործել։

«Բարսելոնան» թքած ունի այն մարդկանց վրա, ովքեր կերտել են ակումբի պատմությունը։

Որպես «Բարսայի» երկրպագու՝ կցանկանայի, որ ակումբն այլ կերպ վարվեր։ Ես իմ մասին չեմ խոսում, դա այլ դեպք էր:

Ամեն դեպքում, ես անսահման երախտապարտ եմ Խավիին և ակումբի նախագահին` վերադառնալու հնարավորություն տալու համար»,- նշել է բրազիլացի ֆուտբոլիստը, ում խոսքերը մեջբերում է The Guardian-ը։

Հիշեցնենք, որ 39-ամյա ֆուտբոլիստը 2021 թ. նոյեմբերին 5 տարվա դադարից հետո վերադարձավ «Բարսելոնա»։ Ալվեսը 2021/22 մրցաշրջանի երկրորդ հատվածում «բլաուգրանայի» կազմում անցկացրեց 15 հանդիպում` դառնալով 1 գոլի և 3 գոլային փոխանցման հեղինակ։

Կողմերը կնքել էին կես տարվա պայմանագիր, որի ավարտից հետո չցանկացան շարունակել համագործակցությունը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am