ԱԱ-ների պատմության մեջ առաջին անգամ հանդիպումը կսպասարկի կին մրցավար

ԱԱ-2022-ի E խմբի 3-րդ տուրում Գերմանիայի հավաքականը կմրցի Կոստա Ռիկայի դեմ։

ՖԻՖԱ-ի մամուլի ծառայությունն արդեն հաստատել է այդ հանդիպման մրցավարական անձնակազմը.

Գլխավոր մրցավար – Ստեֆանի Ֆրապար (Ֆրանսիա)

Եզրային մրցավարներ – Նեուզա Բեկ (Բրազիլիա), Քերեն Դիաս Մեդինա (Մեքսիկա)

Չորրորդ մրցավար – Սայիդ Մարտինես (Հոնդուրաս)

VAR համակարգի պատասխանատուներ – Ժերոմ Բրիսար (Ֆրանսիա), Դրյու Ֆիշեր (Կանադա)

VAR. «խաղից դուրս» իրավիճակի պատասխանատուներ – Քեթրին Նեյսբիթ (ԱՄՆ), Մասիմիլիանո Իրատի (Իտալիա)

Նշենք, որ աշխարհի առաջնությունների պատմության մեջ առաջին անգամ որևէ հանդիպում սպասարկելու է կին մրցավար։

Հավելենք, որ 38-ամյա մրցավարն ընթացիկ մրցաշրջանում բոլոր մրցաշարերի շրջանակում սպասարկել է 13 հանդիպում` ցույց տալով 53 դեղին, 2 կարմիր քարտ։ Ֆրապարն այդ խաղերում նշանակել է նաև 6 11-մետրանոց։

Վերջում ավելացնենք, որ Գերմանիա – Կոստա Ռիմա հանդիպումը կկայանա դեկտեմբերի 1-ին` Երևանի ժամանակով 23:00-ից սկսած։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am