Սարի. Ինձ դեռ համարում են եվրոգավաթների մակարդակին չհամապատասխանող մարզիչ

Սարի. Ինձ դեռ համարում են եվրոգավաթների մակարդակին չհամապատասխանող մարզիչ

19/04/2019 - 17:07

«Չելսիի» գլխավոր մարզիչ Մաուրիսիո Սարին կիսվել է Եվրոպայի լիգայի 1/4-րդ եզրափակչի պատասխան խաղում «Սլավիայի» նկատմամբ տարած հաղթանակի և կիսաեզրափակիչ դուրս գալու մասին իր տպավորություններով:

«Սա Եվրոպայի լիգայում իմ 22-րդ հանդիպումն էր, դրանցից 18-ում ես հաղթել եմ: Բայց, մեկ է, ինձ դեռ համարում են եվրոգավաթների մակարդակին չհամապատասխանող մարզիչ:

Ես ցավում եմ «Նապոլիի» համար (վերջինս դուրս մնաց առաջնությունից՝ պարտվելով «Արսենալին»): Ես գիտեմ, նրանց համար ծանր էր, «Արսենալի» դեմ խաղալը հեշտ չէ:

Ես ուրախ եմ, որ ստիպված չեմ լինի հանդիպել «Նապոլիի» հետ «Սան Պաոլո» ստադիոնում, և դրա համար կան հազարավոր պատճառներ, բայց հիանալի կլիներ նրանց հետ հանդիպել չեզոք դաշտում և պայքարել լուրջ մրցանակի համար:

Մենք անցել ենք անհավանական ճանապարհ, բայց սա փլեյոֆն է, այստեղ դու կարող ես դուրս մնալ ցանկացած պահի:

Մեդիաները շատ են կենտրոնանում եվրոգավաթների վրա, բայց մարդիկ մոռանում են, որ ցանկացած դիպչելը դարպասաձողին կամ VAR-ի որոշում, կարող են քո դեմ լինել, և վերջ, դու դուրս մնացիր:»,- Սարիի խոսքերն է մեջբերում Football Italia-ն:

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022