Սալերնիտանայի կենաց-մահու պայքարը շարունակվում է` միավորներ խլելով Ատալանտայից🎥

Սալերնիտանայի կենաց-մահու պայքարը շարունակվում է` միավորներ խլելով Ատալանտայից🎥

03/05/2022 - 00:44

Իտալական Ա սերիայի 35-րդ տուրի վերջին խաղում հետնապահների թվում ընթացող «Սալերնիտանան» հյուրընկալվելիս մրցեց «Ատալանտայի» դեմ։

Սալերնոն ներկայացնող ակումբը բավական երկար ժամանակ 1:0 հաշվով հաղթում էր մրցակցին. 27-րդ րոպեին աչքի էր ընկել Էդերսոն Լոուրենսոն։

Այդուհանդերձ, բերգամասկներին հաջողվեց 88-րդ րոպեին խփել պատասխան գնդակն ու ոչ-ոքի կորզել. գոլի հեղինակ դարձավ Մարիո Պաշալիչը։

Այսպիսով, հանդիպումն ավարտվեց 1:1 հաշվով, ինչից հետո «Սալերնիտանան» վաստակեց 26 միավոր և զբաղեցնում է 18-րդ հորիզոնականը։

Դավիդե Նիկոլայի թիմը շարունակում է կենաց-մահու պայքար մղել` տեղն Ա սերիայում պահպանելու համար ու 17-րդ հորիզոնականը զբաղեցնող «Կալյարիին» զիջում է 2 միավոր, որի համեմատ էլ մեկ հանդիպում պակաս է անցկացրել։

«Նռնագույնները» մայիսի 5-ին 20-րդ տուրից հետաձգված խաղում մրցելու են «Վենեցիայի» դեմ։

«Ատալանտան», 56 միավորով, 8-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022