Ռոմանո. «Դանի Ալվեսը վերադառնում է Բարսելոնա»

Ռոմանո. «Դանի Ալվեսը վերադառնում է Բարսելոնա»

12/11/2021 - 21:49

Բրազիլացի հանրահայտ եզրային պաշտպան Դանի Ալվեսը շուտով կվերադառնա «Բարսելոնա»։

Ինչպես տեղեկացնում է իտալացի ինսայդեր Ֆաբրիցիո Ռոմանոն, կատալոնական ակումբն ու Ալվեսն արդեն համաձայնեցրել են բոլոր հարցերը. կողմերի միջև պայմանագիրը կնքվելու է 1 տարով։

Այժմ «Բարսելոնան» սպասում է, որ տրանսֆերը հաստատվի Լա լիգայի կողմից։

38-ամյա ֆուտբոլիստը «բլաուգրանասի» շարքերը համալրելու է ազատ գործակալի կարգավիճակով, քանի որ 2021 թ. սեպտեմբերից գտնվում է ազատ գործակալի կարգավիճակով։

Այսպիսով, 5 տարի անց բրազիլացի պաշտպանը վերադառնում է հարազատ ակումբ, որի կազմում հանդես է եկել 2008-2016 թվականներին։

Բրազիլացի ֆուտբոլիստը կատալոնական ակումբի կազմում անցկացրել է 391 հանդիպում` դառնալով 21 գոլի և 101 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022