Ռեշֆորդի բենեֆիսը. Անգլիան կրկին փայլում է` ջախջախելով Ուելսին🎥

Ռեշֆորդի բենեֆիսը. Անգլիան կրկին փայլում է` ջախջախելով Ուելսին🎥

30/11/2022 - 00:58

ԱԱ-2022-ի B խմբի 3-րդ տուրում Անգլիայի հավաքականը մրցեց Ուելսի դեմ։

Գոլազուրկ առաջին կեսից հետո «երեք առյուծներն» երկրորդ խաղակեսի հենց սկզբից սկսեցին հիանալի ֆուտբոլ ցուցադրել և «վիշապներին» ջախջախեցին 3:0 հաշվով։

Հանդիպման հերոս դարձավ Մարկուս Ռեշֆորդը, ով իր անվան դիմաց դուբլի գրանցեց` գոլերից մեկն էլ մրցակցի դարպասն ուղարկելով տուգանայինից կատարած հիանալի հարվածով։

Նշենք, որ 25-ամյա հարձակվող ընթացիկ մունդիալում խփած գոլերի քանակը հասցրեց 3-ի և Կիլիան Մբապեի (Ֆրանսիա), Կոդի Գակպոյի (Հոլանդիա) ու Էներ Վալենսիայի (Էկվադոր) հետ գլխավորում է լավագույն ռմբարկուների ցուցակը։

Անգլիացիների կազմից մեկ անգամ էլ աչքի ընկավ Ֆիլ Ֆոդենը։

Հավելենք, որ այս խմբում կայացել է ևս մեկ հանդիպում.

Իրան 0:1 ԱՄՆ

B խմբի մրցաշարային աղյուսակը վերջնական ստացավ հետևյալ տեսքը.

  1. Անգլիա – 7 միավոր
  2. ԱՄՆ – 5 միավոր
  3. Իրան – 3 միավոր
  4. Ուելս – 1 միավոր

Այսպիսով, Անգլիայի և ԱՄՆ-ի հավաքականներր նվաճեցին 1/8 եզրափակիչի ուղեգիր, իսկ Իրանն ու Ուելսը լքեցին հետագա պայքարը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022