ՊՍԺ-ն պատրաստ է  Լեաուի տրանսֆերի դիմաց խոշոր գումար վճարել

ՊՍԺ-ն պատրաստ է Լեաուի տրանսֆերի դիմաց խոշոր գումար վճարել

19/05/2022 - 15:18

«Միլանի» հարձակվող Ռաֆայել Լեաուն ընթացիկ մրցաշրջանի ավարտից հետո, հնարավոր է, փոխի ակումբային գրանցումը։

Ինչպես տեղեկացնում է La Gazzetta dello Sport-ը, 22-ամյա ֆուտբոլիստի ծառայություններով լրջորեն հետաքրքրված է ՊՍԺ-ն, որը պատրաստ է նրա տրանսֆերի դիմաց վճարել 70 մլն եվրո։

Այդուհանդերձ, միլանյան ակումբը մտադիր չէ վաճառել իր հարձակվողին, ում համարում է անձեռնմխելի ֆուտբոլիստ։

Հաղորդվում է, որ «ռոսոներիները» Լեաուին կվաճառեն միայն այն դեպքում, եթե որևէ ակումբ նրա տրանսֆերի դիմաց վիճարի նվազագույնը 100 մլն եվրո։

Նշվում է, որ «Միլանը» պատրաստվում է պայմանագրի երկարաձգման և աշխատավարձի բարելավման հարցում բանակցություններ սկսել պորտորգալացի ֆուտբոլիստի հետ։

Ռաֆայել Լեաուի և «Միլանի» միջև գործող պայմանագիրն ավարտվում է 2024 թ. հունիսի 30-ին, իսկ նրա տարեկան աշխատավարձն այժմ կազմում է 1.5 մլն եվրո։

Սպասվում է, որ նոր պայմանագրով երիտասարդ ֆուտբոլիստի աշխատավարձը կեռապատկվի և այն կդառնա 4.5 մլն եվրո։

Հավելենք, որ ընթացիկ մրցաշրջանում Ռաֆայել Լեաուն բոլոր մրցաշարերի շրջանակում անցկացրել է 41 հանդիպում` դառնալով 14 գոլի և 9 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022