Պաշտոնական. Սուարեսը հեռանալու է Ատլետիկոյից

Պաշտոնական. Սուարեսը հեռանալու է Ատլետիկոյից

15/05/2022 - 23:01

Ինչպես տեղեկացնում է «Ատլետիկո Մադրիդի» մամուլի ծառայությունը, ակումբի հարձակվող Լուիս Սուարեսն ու կիսապաշտպան Էկտոր Էրերան ընթացիկ մրցաշրջանի ավարտից հետո հեռանալու են ակումբից։

Աղբյուրի փոխանցմամբ` 37-րդ տուրի «Սևիլիայի» դեմ տնային հանդիպումից հետո ակումբը հրաժեշտ է տալու երկու ֆուտբոլիստներին էլ։

Հավելենք, որ Լուիս Սուարեսը «հնդկացիների» շարքերը համալրել է 2020 թ. սեպտեմբերին, որի կազմում անցկացրել է 81 հանդիպում` դառնալով 34 գոլի և 6 գոլային փոխանցման հեղինակ։

Ինչ վերաբերում է Էկտոր Էրերային, ապա մեքսիկացի կիսապաշտպանը մադրիդյան ակումբում հանդես է գալիս 2019 թ. հուլիսից, որի մարզաշապիկով դաշտ է դուրս եկել 77 հանդիպում` դառնալով 1 գոլի և 4 գոլային փոխանցման հեղինակ։

32-ամյա կիսապաշտպանն ազատ գործակալի կարգավիճակով տեղափոխվելու է ամերիկյան ՄԼՍ-ը ներկայացնող «Հյուսթոն Դինամո»։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022