Պաշտոնական. Ռուսաստանի հավաքականը չի մասնակցի Եվրո-2024-ի որակավորման փուլին

Պաշտոնական. Ռուսաստանի հավաքականը չի մասնակցի Եվրո-2024-ի որակավորման փուլին

20/09/2022 - 19:18

Ինչպես տեղեկացնում է Ռուսաստանի ֆուտբոլային միության պաշտոնական կայքը, Ռուսաստանի հավաքականը չի մասնակցի Եվրո-2024-ի որակավորման փուլին.

«Ռուսաստանի հավաքականը չի մասնակցի հոկտեմբերի 9-ին Ֆրանկֆուրտում կայանալիք Եվրոպայի 2024 թվականի առաջնության որակավորման փուլի վիճակահանությանը։

Պատճառը ՈՒԵՖԱ-ի փետրվարյան որոշումն է՝ կասեցնել Ռուսաստանի ազգային հավաքականների և ակումբների մասնակցությունը կազմակերպության հովանու ներքո անցկացվող մրցաշարերին՝ այն ուժի մեջ թողնելով «մինչև հետագա ծանուցումը»

Այս որոշումը ՌՖՄ-ն վիճարկել է Լոզանի մարզական արբիտրաժային դատարանում (CAS), որը հուլիսին մերժել է բողոքը:

Միությունը ներկայումս սպասում է CAS-ի որոշման ամբողջական տեքստին, որի ուսումնասիրությունից հետո կկողոմնորոշվի իրավական պաշտպանության շրջանակներում հետագա քայլերի վերաբերյալ»,- նշվում է ՌՖՄ-ի տարարածած պաշտոնական հայտարարության մեջ։

Հիշեցնենք, որ դեռևս սույն թվականի փետրվարի 28-ին ՈՒԵՖԱ-ն և ՖԻՖԱ-ն Ռուսաստանի հավաքականին և ռուսական ակումբներին հեռացրել են իրենց հովանու ներքո անցկացվող մրցաշարերից։

Հավելենք, որ այդ ամենը պայմանավորված է փետրվարի 24-ից սանձազերծված ռուս-ուկրաինական պատերազմով։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022