Պաշտոնական. Ռուսաստանը հեռացվեց ՖԻՖԱ-ի ու ՈՒԵՖԱ-ի մրցաշարերից

Ռուսական ակումբները հեռացվել են ՖԻՖԱ-ի ու ՈՒԵՖԱ-ի բոլոր մրցաշարերից, հայտնում է ՈՒԵՖԱ-ի պաշտոնական կայքը։

Որոշումը տարածվում է երկրի ազգային հավաքականի, ինչպես նաև եվրոպական մրցաշարերում Ռուսաստանը ներկայացնող ակումբների վրա։ Որոշումն ուժի մեջ է «մինչև հետագա ծանուցումը»։

Ինչպես հայտնում է BBC-ի լրագրող Սայմոն Սթոունը, Եվրոպական ֆուտբոլային ասոցիացիաների միությունը որոշել է խզել պայմանագիրը նաև «Գազպրոմի» հետ։

Նշենք, որ նախորդ տարի մայիսին ռուսական էներգետիկ ընկերությունը երկարաձգեց պայմանագիրը ՈՒԵՖԱ-ի հետ՝ դառնալով հաջորդ երկու Եվրոպայի առաջնորթյունների հովանավորը։

Չեմպիոնների լիգայի հետ համագործակցությունը պետք է շարունակվեր մինչև 2024 թվականը։ «Գազպրոմի» հետ գործարքից, ըստ տարբեր աղբյուրների, ՈՒԵՖԱ-ին պետք է ստանար տարեկան մինչև 40 միլիոն եվրո։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am