Պաշտոնական. Ման. Յունայթեդը նոր դարպասապահ ունի

Պաշտոնական. Ման. Յունայթեդը նոր դարպասապահ ունի

06/01/2023 - 16:44

Ինչպես տեղեկացնում է «Մանչեսթեր Յունայթեդի» պաշտոնական կայքը, ակումբը վարձակալել է «Քրիսթալ Փելասի» դարպասապահ Ջեք Բաթլենդին։

Կողմերի միջև վարձակալական պայմանագիրը կնքվել է մինչև 2023 թ. հունիսի 30-ը, որի ավարտին «կարմիր սատանաները» չեն ունենալու 29-ամյա դարպասապահին գնելու իրավունք։

Նշենք, որ Բաթլենդը մանկունյական ակումբում փոխարինել է վարձավճարով հանդես եկող Մարտին Դուբրավկային, ով ժամանակից շուտ վերադարձել է «Նյուքասլ», որին էլ պատկանում է սլովակ դարպասապահի տրանսֆերային իրավունքները։

Նշենք, որ Բաթլենդն առավել հայտնի է «Սթոք Սիթիի» կազմում ունեցած մրցելույթներով, որի կազմում հանդես է եկել 2013-2020 թթ.` անցկացրած 168 խաղում դարպասը 50 անգամ պահելով անառիկ։

Անգլիացի դարպասապասը «Քրիսթալ Փելասի» գույները պաշտպանում է 2020 թ. հոկտեմբերից, որի կազմում դաշտ է դուրս եկել միայն 17 անգամ` ացնացնելով 3 «չոր» հանդիպում։

Բաթլենդը նաև 9 հանդիպում է անցկացրել Անգլիայի հավաքականի կազմում` դարպասը 5 անգամ պահելով անառիկ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022