Պաշտոնական. Ատալանտան իրականացրեց իր պատմության ամենաթանկարժեք տրանսֆերը

Պաշտոնական. Ատալանտան իրականացրեց իր պատմության ամենաթանկարժեք տրանսֆերը

24/01/2022 - 23:27

Ինչպես տեղեկացնում է «Ատալանտայի» պաշտոնական կայքը, ակումբը վարձակալել է «Սասուոլոյի» հարձակվող Ժերեմի Բոգային։

Կողմերի միջև վարձակալական պայմանագիրը կնքվել է մինչև 2022 թ. հունիսի 30-ը, որի ավարտից հետո Բերգամոն ներկայացնող ակումբը 22 մլն եվրոյի դիմաց կգնի իվուարցի վինգերի տրանսֆերի ամբողջական իրավունքները։

Բոգան «Ատալանտայի» հետ կնքելու է 5 տարվա պայմանագիր` մինչև 2027 թ. հունիսի 30-ը, նոր ակումբի կազմում հանդես է գալու «10» համարի խաղաշապիկով։

Հավելենք, որ այս գործարքը դարձել է «Ատալանտայի» պատմության ամենաթանկարժեք տրանսֆերը։

Մինչ այս պահն «Ատալանտայի» ամենաթանկարժեք ձեռքբերումը եղել է Լուիս Մուրիելի տրանսֆերը, ում 2019 թ. ամռանն ակումբը «Սամպդորիայից» գնել է 21.2 մլն եվրոյի դիմաց։

Նշենք, որ Ժերեմի Բոգան «Չելսիի» մարզադպրոցի սան է, որի համակարգում հանդես է եկել 2009-2018 թթ.` այդ ընթացքում վարձավճարով խաղալով «Ռենի» (31 խաղ, 3 գոլ, 1 գոլային փոխանցում), «Գրանադայի» (27 խաղ, 2 գոլ, 1 գոլային փոխանցում) և «Բիրմինգհեմի» կազմում (34 խաղ, 2 գոլ և 3 գոլային փոխանցում)։

Իվուարցի ֆուտբոլիստը «Չելսիի» Մ-23 տարեկանների թիմում անցկացրել է 41 հանդիպում` դառնալով 7 գոլի և 6 գոլային փոխանցման հեղինակ։

2018 թվականի ամռանը նա 10 մլն եվրոյի դիմաց համալրեց «Սասուոլոյի» շարքերը, որի մարզաշապիկով էլ անցկացրել է 102 հանդիպում` դառնալով 18 գոլի և 10 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022