Պաշտոնական. Աստոն Վիլլան գնեց Կոուտինիոյի տրանսֆերային ամբողջական իրավունքները

Պաշտոնական. Աստոն Վիլլան գնեց Կոուտինիոյի տրանսֆերային ամբողջական իրավունքները

12/05/2022 - 22:44

Ինչպես տեղեկացնում է «Աստոն Վիլլայի» պաշտոնական կայքը, ակումբը «Բարսելոնայից» գնել է Ֆիլիպե Կոուտինիոյի տրանսֆերային ամբողջական իրավունքները։

Կողմերի միջև պայմանագիրը կնքվել է մինչև` 2026 թ. հունիսի 30-ը։

Հատկանշական է, որ Բիրմինգհեմը ներկայացնող ակումբը չի բացահայտել գործարքի ֆինանսական մանրամասները, սակայն «Բարսելոնայի» պաշտոնական կայքը հայտնել է, որ բրազիլացի ֆուտբոլիստի գործարքի դիմաց «Վիլլան» վճարել է 20 մլն եվրո։

Բացի դրանից, Կոուտինիոյի հետագա վաճառքից «բլաուգրանան» կունենա 50% մասնաբաժին։

Հիշեցնենք, որ Ֆիլիպե Կոուտինիոն «Բարսելոնայի» կազմում հանդես էր գալիս 2018 թ. հունվարից, որի մարզաշապիկով անցկացրել է 106 հանդիպում` դառնալով 25 գոլի և 14 գոլային փոխանցման հեղինակ։

Կոուտինիոն «Աստոն Վիլլայի» շարքերը վարձավճարով համալրել է դեռևս 2022 թ. ձմեռային տրանսֆերային պատուհանի ժամանակ, որի կազմում դաշտ է դուրս եկել 16 անգամ` խփելով 4 գոլ ու կատարելով 3 գոլային փոխանցում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022