ՉԼ. Հայտնի դարձավ որակավորման նախնական փուլի հաղթողը

ՉԼ. Հայտնի դարձավ որակավորման նախնական փուլի հաղթողը

25/06/2022 - 02:15

Իսլանդիայի մայրաքաղաք Ռեյկյավիկում ավարտվեց Չեմպիոնների լիգայի 2022/23 մրցաշրջանի որակավորման նախնական փուլը։

Փոքրիկ մրցաշարի եզրափակիչում միմյանց դեմ մրցեցին «Վիկինգուրն» (Իսլանդիա) ու «Ինտեր Էսկալդեսը» (Անդորրա)։

Հանդիպման ընթացքում խփվեց ընդամենը մեկ գոլ. 68-րդ րոպեին իսլանդական ակումբին հաղթանակ պարգևեց Քրիսթալ Մանի Ինգասոնը։

Այսպիսով, «Վիկինգուրը» հաղթեց 1:0 հաշվով ու նվաճեց Չեմպիոնների լիգայի որակավորման առաջին փուլի ուղեգիր, որի շրջանակում կմրցի շվեդական «Մալմյոյի» դեմ։

Նշենք, որ «Ինտեր Էսկալդեսն» էլ պայքարը կշարունակի Կոնֆերենցիաների լիգայի որակավորման երկրորդ փուլում և մրցելու է Չեմպիոնների լիգայի որակավորման առաջին փուլի «Փյունիկ» – «Կլուժ» դիմակայության պարտվողի դեմ։

Հիշեցնենք, որ որակավորման նախնական փուլին մասնակցում էին նաև «Լա Ֆիորիտան» (Սան Մարինո) և «Լևադիան» (Էստոնիա), որոնք պարտություններ կրեցին կիսաեզրափակիչներում ու պայքարը կշարունակեն Կոնֆերենցիաների լիգայի որակավորման երկրորդ փուլում և կմրցեն համապատասխանաբար «Բալկանի» (Կոսովո) – «Ժալգիրիս» (Լիտվա), «Շեմրոկ Ռովերս» (Իռլանդիա) – «Հիբերնիանս» (Մալթա) զույգերի պարտվողների դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022