Նեմանյա Մատիչը մոտ է  իտալական գրանդի շարքերը համալրելուն

Նեմանյա Մատիչը մոտ է իտալական գրանդի շարքերը համալրելուն

05/06/2022 - 23:36

«Մանչեսթեր Յունայթեդի» կիսապաշտպան Նեմանյա Մատիչը, ով սույն թվականի հունիսի 30-ից հետո դառնալու է ազատ գործակալ, ամենայն հավանականությամբ, կարիերան կշարունակի «Ռոմայի» կազմում։

Ինչպես տեղեկացնում է ինսայդեր Ֆաբրիցիո Ռոմանոն, «գայլերը» սերբ կիսապաշտպանի հետ «1+1» ձևաչափով պայմանագիր են համաձայնեցրել։

Աղբյուրի փոխանցմամբ` 33-ամյա կիսապաշտպանի ծառայություններով անձամբ հետաքրքրված է հռոմեական ակումբի գլխավոր մարզիչ Ժոզե Մոուրինիոն, ով Մատիչի հետ աշխատել է ինչպես «Չելսիում», այնպես էլ «Մանչեսթեր Յունայթեդում»։

Նիկոլո Սկիրան էլ Twitter-ի իր միկրոբլոգում գրում է, որ Մատիչը «Ռոմայում» տարեկան կվաստակի 3.6 մլն եվրո աշխատավարձ։

Հիշեցնենք, որ սերբ կիսապաշտպանը «Մանչեսթեր Յունայթեդի» կազմում հանդես էր գալիս 2017 թվականից, որի մարզաշապիկով դաշտ է դուրս եկել 189 անգամ` դառնալով 4 գոլի և 11 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022